რესპუბლიკის ქუჩაზე 6 ნომერში საზოგადოებრივი ჯანდაცვის სამტრედიის ცენტრის ახალი ოფისი შენდება, მუნიციპალიტეტის მერიის დაკვეთით სამუშაოებს შპს ,, ბინი " ანხორციელებს.
სამუშაოთა წარმოების ვადა 185 კალენდარულ დღეს შეადგენს და 2025 წლის 16 ივნისის ჩათვლით გაგრძელდება.
საძირკველის მოწყობას სამტრედიის მუნიციპალიტეტის მერი დავით ბახტაძე საკრებულოსა და მერიის წარმომადგენლებთან ერთად დაესწრო.
დავით ბახტაძე - ,, სხვადასხვა სამთავრობო უწყებების დახმარებით, ჯანდაცვის სამინისტროსთან ერთად მიმდინარე წელს დავიწყეთ საზოგადოებრივი ჯანდაცვის სამტრედიის ცენტრის მშენებლობა, შენობა ქალაქის ცენტრში დავით აღმაშენებლის სახელობის სამტრედიის საკათედრო ტაძრის მიმდებარედ განთავსდება, სამუშაოები გეგმა გრაფიკის დაცვით მიმდიბარეობს, რომლის დასრულების შემდგომ საზოგადოებრივი ცენტრი შესაბამისი სტანდარტის შენობაში, მოწესრიგებულ გარემოში მოემსახურება სამტრედიელებს."
გარდა აღნიშნული პროექტისა სამტრედიაში აქტიურად მიმდინარეობს სხვადასხვა ინფრასტრუქტურული პროექტები: შენდება N 4 ბაგა ბაღის და მეოთხე საჯარო სკოლის ახალი შენობები , მიმდინარეობს მე-10 საჯარო სკოლის სრული რეაბილიტაცია, ნიკოლეიშვილის ქუჩაზე საფეხბურთო მოედანი, გენო გეგეშიძის ქუჩაზე კი სკვერი ეწყობა. წესრიგდება ჭავჭავაძის ქუჩის N 3 და N 4, ბათუ კრავეიშვილის N 2 ბინების ფასადები.
რეაბილიტაცია უტარდება წერეთლის ქუჩის N 1 ბინის დასავლეთ ფასადს. რუსთაველის ქუჩაზე ბინის ფასადთან ერთად ხდება სახურავის რეაბილიტაცია.
სატენდერო პროცედურები დაწყებულია რუსთაველისა და მანჯგალაძის ქუჩებს შორის არსებული სკვერის რეაბილიტაციის პროექტზე. მანჯგალაძის ქუჩაზე ეწყობა სტადიონი, ხოლო ქალაქის ტერიტორიაზე სხვადასხვა უბნებში მცირე საწრეტი არხები.
გადახურვის სამუშაოები ტარდება სათნოების სახლსა და იპოდრომის შენობაზე, სადაც დაგეგმილია ასევე ტრიბუნების მოწყობა.
კაკაბაძის ქუჩაზე გადახურვითი სამუშაოები მიმდინარეობს N 6 და N 17 ბინებზე. ეს ქალაქის ცენტრალურ ნაწილში მიმდინარე პროექტების არასრული ჩამონათვალია. რაც შეეხება საგზაო ინფრასტრუქტურის მიწესრიგებას , ამ მიმართულებით პროექტები ქალაქსა და სოფლებში პარალელურ რეჟიმში ხორციელდება.
