სამტრედიის მუნიციპალიტეტის მერმა, დავით ბახტაძემ, სამუშაო შეხვედრა გამართა მერიის სტრუქტურული ერთეულების ხელმძღვანელებთან, ადმინისტრაციულ ერთეულებში მერის წარმომადგენლებთან და ააიპ ორგანიზაციების ხელმძღვანელებთან.
შეხვედრაზე მერმა დეტალურად წარადგინა მუნიციპალიტეტის განვითარების შვიდი პრიორიტეტი, ისაუბრა როგორც არსებული საჭიროებების, ისე მიმდინარე და დაგეგმილი პროექტების შესახებ.
„ათასწლეულის პროექტია ჩქაროსნული მაგისტრალის მშენებლობა, რომელიც სხვა ნიშნულზე აიყვანს ჩვენს მუნიციპალიტეტს. მინდა აღვნიშნო, რომ მაგისტრალზე სამტრედიის მუნიციპალიტეტის ტერიტორიაზე აშენდება ე.წ. შეჩერების პუნქტი, რომელიც მუნიციპალიტეტისთვის დამატებითი შემოსავლებისა და სამუშაო ადგილების წყარო იქნება,“ – განაცხადა დავით ბახტაძემ.
