სამტრედიის მუნიციპალიტეტის მერი დავით ბახტაძე, ხონის მუნიციპალიტეტის მერთან ლადო ჯურხაძესა და სამტრედიის მუნიციპალიტეტის საკრებულოს თავმჯდომარესთან ვაჟა სტურუასთან ერთად, ღანირის ადმინისტრაციულ ერთეულში გამართულ კულტურულ-საგანმანათლებლო ღონისძიებას „ღანირი კინოსა და თეატრში“ დაესწრო.
ღონისძიება წიგნის „ეროსი 101“ პრეზენტაციით დაიწყო. გამოცემის ავტორმა, თეატრმცოდნე ნიკოლოზ წულუკიძემ, საზოგადოებას ეროსი მანჯგალაძის ცხოვრებისა და შემოქმედების შესახებ მოუთხრო.
ღონისძიებას ესწრებოდნენ ხელისუფლების წარმომადგენლები, ადგილობრივი მოსახლეობა, თბილისიდან ჩამოსული სტუმრები, ცნობილი ქართველი მსახიობები და კულტურის სფეროს წარმომადგენლები.
სტუმრებმა ღანირის ღირსეულ მამულიშვილთა მუზეუმიც დაათვალიერეს. ღონისძიება მუსიკალურად გააფორმეს „თეატრალურის კვარტეტმა“, „რანინამ“ და ადგილობრივმა შემოქმედებითმა ჯგუფმა „6 ტონი“.
პროექტი კულტურის სამინისტროს, „შემოქმედებითი საქართველოსა“ და სამტრედიის მუნიციპალიტეტის მერიის მხარდაჭერით განხორციელდა.
