სამტრედიის მუნიციპალიტეტის მერიის მხარდაჭერით, მე-11 საჯარო სკოლაში დღეს სტარტი აიღო მათემატიკაში სასკოლო ჩემპიონთა ლიგამ ,,კოლხეთის თასი''.
მათემატიკურ ტურნირში როგორც სამტრედიის, ასევე სხვადასხვა მუნიციპალიტეტების საჯაროს კოლები არის ჩართული.
"კოლხეთის თასის" იდეის ავტორი და აღმასრულებელი, გოჩა გაბუნიაა.
შეჯიბრში თითოეულმა სკოლამ თითო გუნდი წარმოადგინა, ნახევარფინალში ექვსი სკოლა გადავიდა. გამარჯვებული ექვსეული ასე გამოიყურება:
- მეთერთმეტე საჯარო
- მესამე საჯარო
- პირველი საჯარო
- ბათუმის ქართულ-ამერიკული სკოლა
- სამტრედის მეათე საჯარო.
- ქუთაისის 33-ე საჯარო სკოლა.
ჟიურიმ სასკოლო ჩემპიონთა ლიგაში მონაწილე ექვსი სკოლის გუნდი ,რომლებიც ნახევარფინალში ვერ გადავიდნენ, ღირსეული მონაწილეობისათვის სიგელებით დააჯილდოვა.
სასკოლო ჩემპიონატს მუნიციპალიტეტის მერი, დავით ბახტაძე ადგილობრივი თვითმმართველობის წარმომადგენლებთან ერთად ესწრებოდა.
დავით ბახტაძე- ,,ერთი თვალსაჩინო ფაქტია ყველასათვის, რომ მათემატიკა რთული საგანია სკოლაში, მაგრამ ვინც იცის მათემატიკა, ის წარმატებულია სხვა საგნებში, ასევე მათემატიკის მცოდნე ახალგაზრდებისთვის გამკლავება სხვა ცხოვრებისეულ გამოწვევებთან დიდ სირთულეს არ წარმოადგენს. მინდა პედაგოგებს, მშობლებს და ბატონ გოჩას დიდი მადლობა ვუთხრა ამ საუკეთესო ინიციატივისათვის''.
ნახევარფინალური და ფინალური შეხვედრები მომდევნო შაბათ-კვირას გაიმართება.
ლიგის გამარჯვებულს სამტრედიის მუნიციპალიტეტის მერიის მიერ ფულადი ჯილდო გადაეცემა.
