სამტრედიის მუნიციპალიტეტის მერი დავით ბახტაძე, კულტურის სამსახურის უფროს ნატალია მანჯგალაძესთან ერთად, ვახტანგ ხელისუფალისა და მილერი ქიშმარიას ხსოვნისადმი მიძღვნილი ხელბურთის 22-ე საერთაშორისო ტურნირის გახსნას დაესწრო.
ტურნირი ეროსი მანჯგალაძის სახელობის სტადიონის დახურულ დარბაზში მიმდინარეობს და მასში ვაჟთა რვა და გოგონათა ოთხი გუნდი მონაწილეობს.
ვაჟთა შორის ერთმანეთს მოლდავეთის, სომხეთის, ბათუმის, ზუგდიდის, გორის, ქუთაისის, წყალტუბოსა და სამტრედიის გუნდები ეჯიბრებიან, ხოლო გოგონათა შორის — ბათუმის, ზუგდიდის, წყალტუბოსა და სამტრედიის გუნდები.
მუნიციპალიტეტის მერმა მონაწილეებს წარმატებები უსურვა და სპორტული ტრადიციების შენარჩუნებისა და ახალგაზრდა სპორტსმენების მხარდაჭერის მნიშვნელობაზე ისაუბრა.
„მსგავსი საერთაშორისო ტურნირების მასპინძლობა ჩვენი მუნიციპალიტეტისთვის მნიშვნელოვანია. ეს შეჯიბრება ახალგაზრდებს საკუთარი შესაძლებლობების გამოვლენის, გამოცდილების მიღებისა და მეგობრული ურთიერთობების გაღრმავების საშუალებას აძლევს. წარმატებებს ვუსურვებ თითოეულ მონაწილეს და მადლობას ვუხდი ყველას, ვინც ამ სპორტული ტრადიციის გაგრძელებაში მონაწილეობს“, — აღნიშნა დავით ბახტაძემ.
ტურნირი სამტრედიის მუნიციპალიტეტის მერიის მხარდაჭერით იმართება და ხელს უწყობს ხელბურთის პოპულარიზაციასა და სპორტული კავშირების გაღრმავებას.
