კახა კალაძის სახელობის სპორტულ კომპლექსში გაიმართა მასშტაბური საფეხბურთო ტურნირი “გრასრუტს ქაფ ჯორჯია დასავლეთი”, რომელშიც 20-მა გუნდმა მიიღო მონაწილეობა. აქედან 16 გუნდი დასავლეთ საქართველოდან იყო, ხოლო 4 – თბილისიდან. ტურნირში საერთო ჯამში დაახლოებით 450-მა ბავშვმა იასპარეზა.

შეჯიბრი ორ ასაკობრივ კატეგორიაში ჩატარდა – 2012 და 2013 წლებში დაბადებულ ფეხბურთელებს შორის.

გამარჯვებული გუნდები: 2012 წელს დაბადებულთა კატეგორიაში:

I ადგილი – იბერია 1999
II ადგილი – ტორპედო ქუთაისი
III ადგილი – სამტრედიის ლოკომოტივი

2013 წელს დაბადებულთა კატეგორიაში:

I ადგილი – თბილისის ლოკომოტივი
II ადგილი – ტორპედო ქუთაისი
III ადგილი – ქუთაისის სერვალი

ტურნირის ბოლოს გაიმართა დაჯილდოების ცერემონია, სადაც გამარჯვებულ გუნდებს თასები და მედლები გადაეცათ. ღონისძიებას სამტრედიის მერი დავით ბახტაძე დაესწრო, რომელმაც გამარჯვებულებს წარმატებები უსურვა და აღნიშნა, რომ “გრასრუტს ქაფ ჯორჯია დასავლეთი” განსაკუთრებული მნიშვნელობის ტურნირია, რომელიც ხელს უწყობს ბავშვთა და ახალგაზრდული ფეხბურთის განვითარებას. შეჯიბრმა დიდი ინტერესი გამოიწვია და მონაწილე გუნდებმა მაღალი სპორტული ოსტატობა აჩვენეს. ტურნირი მეგობრულ და სპორტულ გარემოში წარიმართა, რაც ახალგაზრდა ფეხბურთელებისთვის განვითარების კიდევ ერთი მნიშვნელოვანი ნაბიჯი იყო.

29 March 2025

	Petition Take part in the implementation of self-governance…
	Survey Express your opinion on current events...
	Your idea to the Mayor Get involved in the development of the region, address the Mayor with your idea…
	Feedback Increasing of involvement degree in local self-governance...