სამტრედიის მუნიციპალიტეტში ძლიერმა თოვლმა და სტიქიურმა მოვლენებმა განსაკუთრებით მძიმე ვითარება შექმნა მაღალმთიან სოფლებში. პირველივე დღიდან დაიწყო თოვლისგან გზების გაწმენდითი სამუშაოები, თუმცა რთული რელიეფის გამო პროცესი გართულდა, რის გამოც დამატებითი ტექნიკა ჩაერთო.

ამ ეტაპზე პრობლემური ზონების უმეტესობა უკვე გაწმენდილია, გადაადგილება ეტაპობრივად აღდგება. სტიქიის ზონაში იმყოფება სამტრედიის მუნიციპალიტეტის მერი, დავით ბახტაძე. ადგილზე 24/7 რეჟიმში მუშაობს ყველა შესაბამისი სამსახური და აქტიურად აგრძელებს სამუშაოებს.

მოსახლეობას უკვე გადაეცა ყველა აუცილებელი პროდუქტი და მედიკამენტი. აღდგენილია ელექტროენერგიის მიწოდება, ხოლო ბუნებრივი აირის მაგისტრალზე ლოკალური დაზიანებების აღმოფხვრა გრძელდება. შესაბამისი სამსახურები კვლავ რჩებიან სტიქიის ზონაში, რათა ბოლომდე მოაგვარონ არსებული პრობლემები.

28 February 2025

	Petition Take part in the implementation of self-governance…
	Survey Express your opinion on current events...
	Your idea to the Mayor Get involved in the development of the region, address the Mayor with your idea…
	Feedback Increasing of involvement degree in local self-governance...