სამტრედიის მუნიციპალიტეტის მერი დავით ბახტაძე სამოქალაქო მრჩეველთა საბჭოს წევრებს შეხვდა. სამუშაო შეხვედრაზე მუნიციპალიტეტის 2027 წლის ბიუჯეტის პროექტი და დაფინანსების ძირითადი პრიორიტეტები განიხილეს.
ბიუჯეტის პროექტის საერთო მოცულობა 40 626 800 ლარს შეადგენს. მიმდინარე წლის დამტკიცებულ გეგმასთან შედარებით, პროექტი ითვალისწინებს დაფინანსების ზრდას ინფრასტრუქტურის, დასუფთავებისა და გარემოს დაცვის, განათლების, კულტურის, ახალგაზრდობისა და სპორტის, ასევე ჯანდაცვისა და სოციალური დაცვის მიმართულებებით.
შეხვედრაზე დავით ბახტაძემ საბჭოს წევრებს 2026 წელს მუნიციპალიტეტში დასრულებული და მიმდინარე პროექტების შესახებ ანგარიში წარუდგინა.
სამოქალაქო მრჩეველთა საბჭოსთან შეხვედრა ბიუჯეტის მომზადების პროცესის ნაწილია. შეხვედრის მიზანი იყო, საბჭოს წევრები გასცნობოდნენ დაფინანსების დაგეგმილ მიმართულებებს და ბიუჯეტის დამტკიცებამდე საკუთარი მოსაზრებები გაეზიარებინათ.
